Je ne sais comment je dure

               Rondeau

Je ne sçay comment je dure,
Car mon dolent cuer font d'yre
Et plaindre n'oze, ne dire
Ma doleureuse aventure,

Ma dolente vie obscure.
Riens, fors la mort ne desire ;
Je ne sçay comment je dure.

Et me fault, par couverture,
Chanter que mon cuer soupire
Et faire semblant de rire ;
Mais Dieux sçait ce que j'endure.
Je ne sçay comment je dure.


    Christine de Pisan (1364-1430)
    Oeuvres (tome I, rondeau VII)